हर्षदा अमर उपाध्याय यांनी स्वीकारला महिला व बालकल्याण समिती सभापतीपदाचा कार्यभार !

पनवेल : पनवेल महानगरपालिका महिला व बालकल्याण समिती सभापती हर्षदा अमर उपाध्याय यांनी आपल्या पदाचा कार्यभार स्वीकारला. पनवेल महानगरपालिका मुख्यालयात पनवेल मनपा आयुक्त गणेश देशमुख यांनी हर्षदा उपाध्याय यांचे पुष्पगुच्छ देऊन स्वागत केले. यावेळी युवानेते अमर उपाध्याय तसेच अधिकारीवर्ग, अन्य कार्यकर्ते उपस्थित होते.
पनवेल महानगरपालिकेच्या माध्यमातून महिला, विधवा महिला तसेच बालकांसाठी राबविण्यात येणाऱ्या योजना त्यांच्यापर्यंत मोठ्याप्रमाणात प्रत्यक्षात पोहचविण्याचा प्रयत्न करेन, अशी प्रतिक्रिया नवनिर्वाचित महिला व बालकल्याण समिती सभापती हर्षदा अमर उपाध्याय यांनी कोकण दर्पणशी बोलताना व्यक्त केली.