पनवेल मनपाच्यावतीने कोपरा येथे कोविड लसीकरण संपन्न ! नगरसेवक नरेश ठाकूर यांचा पुढाकार !

पनवेल : पनवेल महानगरपालिकेच्या माध्यमातून शनिवारी कोपरा -खारघर येथे मोफत कोविड लसीकरण शिबीर संपन्न झाले. स्थानिक नगरसेवक नरेश ठाकूर यांच्या पुढाकारातून सदर लसीकरण माहीम राबविण्यात आली.
पनवेल मनपा प्रभाग क्रमांक ६ कोपरा- खारघरमध्ये मोठी लोकवस्ती आहे. येथील नागरिकांना कोविड लसीकरण करता यावे, म्हणून स्थानिक नगरसेवक नरेश ठाकूर यांनी पालिका प्रशासनाकडे पाठपुरावा केला. शनिवारी कोपरा येथील समाज मंदिर हॉलमध्ये आयोजित आयोजित केलेल्या कोविड लसीकरण मोहिमेत कोपरा गाव, खारघर सेक्टर ८ आणि १० तसेच खारघरमधील नागरिकांनी लाभ घेतला. यावेळी भाजप सोशल मीडिया नेत्या मोना अडवाणी उपस्थित होत्या.