सुडबुद्धीने बदनाम करणार्याविरोधात ५० कोटींचा दावा करणार – अशोक गावडे !

नवी मुंबई, कोकण दर्पण वृत्तसेवा : प्रसारमाध्यमांना हाताशी धरून राजकीय सूडबुद्धीने माझ्या विषयी खोट्या बातम्या पसरविण्यात आल्या असून जाणीवपूर्वक माझी बदनामी करण्यात आली, याविरोधात मी न्यायालयात ५० कोटी रुपयांचा अब्रू नुकसानीचा दावा करणार असल्याची माहिती, नवी मुंबई जिल्हा राष्ट्रवादी काँग्रेसचे अध्यक्ष अशोक गावडे यांनी पत्रकार परिषदेत दिली. गणेश सोसायटीतील सदनिका खरेदी विक्री प्रकरणाशी माझा काहीही संबंध नसल्याचे अशोक गावडे यांनी यावेळी स्पष्ट केले.